Рептил маркетите постојат од 1996 година и бележат континуиран раст и економски успех од своето основање. Нашата компанија е основана врз темелите на поранешните самопослуги Центро преку модернизирање на нивните простории и вработување на дел од нивниот искусен персонал. Ова ни овозможува да се истакнеме како единствен ланец-маркети во градот кој ја продолжува традицијата и гарантира топла и искрена услуга за секој потрошувач. Рептил маркетите не ја забораваат топлината на маалските продавници. Нашиот приоритет е секој купувач да излезе задоволен по пазарувањето.

Денес, нашата компанија располага со 25 маркети со формат на мали, големи и средни. Тие се распоредени во различни населби во главниот град Скопје, а сега и во Виница, кој брои 3 маркети. Рептил Маркети е првата компанија која ја имплементираше првата онлине продавница во Македонија. Од 2015 година до сега успешно работи со константен развој и успешно следење на светските трендови на онлине пазарувањето. Пазарењето може да се прави од сите типови на уреди и е неверојатно брзо и едноставно.

Нарачаните производи ги бираме внимателно за Вас и гарантираме за нивниот квалитет и свежина, а достава вршиме низ целата држава, во термин кој ќе го одберете Вие. Или, доколку Ви е поедноставно, производите може да ги нарачате и да ги подигнете на враќање до дома во Рептил маркетот кој е најблиску до Вас.

Инспирирани од брзиот начин на живот, од 2023 година во Рептил Маркети се достапни свежо приготвени салати и оброци кои се спремни веднаш за консумирање. Истовремено, вршиме и дистрибуција на стока на големо за потребите на јавни и приватни компании, како и достава на производи до компаниите во Скопје по цени од полица.

Разумните цени се уште една наша одлика што се реализира преку бројните неделни акции, намалувања и нашиот клуб на попусти – Клуб Рептил. Клуб Рептил е семејство на потрошувачи кој моментално брои над 20.000 членови што секојдневно заштедуваат при нивното пазарење.

Во потрага по целосното задоволство на нашите потрошувачи, наша втора одлика, покрај најдобрата услуга, е големиот и квалитетен асортиман на производи чија густина по квадратен метар е над просекот карактеристичен за пазарот. Како додадени вредности во нашата услуга се свежо печениот леб, багети и печива, секојдневната испорака на свежо овошје и зеленчук, како и нон-фуд производите наменети за домаќинствата.

Половина од маркетите имаат во понудата свежо месо и слатководна и морска риба и плодови. На нашата кујна и готовите јадења особено се гордееме, менито е големо со избор на традиционална и модерна храна.